आइतबार , असार १२, २०७९

साझ छिट्टै सुतेकी थिइन् कल्पना, तर बिहान उठ्दा छोराहरु सहित संसार छोडेका थिए

माघ ४, २०७८ मंगलबार 254

वीरेन्द्रनगर–१० बुदबुदीमा रहेको आफ्नै घरमा सुतेका कल्पना, उनका छोराहरु निरज र चिरिञ्जीवी तथा भदा सोमराज शनिबार बेलुकी मृ’त भेटिए । घरमा कल्पनाका ससुरा वीरबहादुर विसी पनि थिए ।

तर उनी शनिबार बिहानै घरबाट आफ्नो काममा निस्किए । बेलुकी घर आउँदा वीरबहादुरले आफ्ना नातीहरुलाई देखेनन् । घर पनि सुनसान देखे । नातीहरु नदेखेपछि उनी हतारिँदै बुहारी कल्पना सुत्ने कोठातर्फ गए । तर कोठाको ढोका नै खुलेन । झ्याल पनि बन्द भएपछि उनले आत्तिदै छिमेकीहरु बोलाए ।

त्यसपछि स्थानीयले घ’टनाबारे प्र’हरीलाई खबर गरे । शुक्रबार रातीको घ’टना भए पनि आफूहरुले शनिबार बेलुकी मात्र खबर पाएको जिल्ला प्र’हरी कार्यालय सुर्खेतका एसपी पदमबहादुर विस्टले बताए । प्र’हरीले ढोका फोडेर हेर्दा कोठामा रहेको खाटमा चारैजना मृ’त अवस्थामा भेटिएका हुन् ।

‘खाटमुनी तसलामा कोइला बालेको भेटियो,’ एसपी विस्टले भने,‘जाडोमा कोठा तताउन कोइला बालेर सुतेका रहेछन्, झ्यालढोका सबै बन्द गरेर सुतेको पाइयो । यसकारण पनि उनीहरुको निसासिएर नै मृ’त्यु भएको हाम्रो प्रार’म्भिक अनुमान छ, तर पनि शवको पो’ष्टमार्टम रिपोर्ट आएपछि बाँकी विषय खुल्नसक्छ ।’ शवको पो’ष्टमार्टम आइतबार प्रदेश अस्पताल सुर्खेतमा गरिएको छ ।

गत पुस १४ गते राती पनि नेपालगंजस्थित भेरी अस्पतालमा रहेको क्वार्टरमा सुतेका चार जनाको निसा’सिएर मृ’त्यु भएको थियो । कोइला बालेर एउटै कोठामा सुतेका कालिकोटका धनप्रसाद भट्टराई, उनकी आमा, तीन महिनाका छोरा र एकजना आफन्तको मृ’त्यु भएको थियो । कोठामा कोइला, हिटर र दाउरा जे बाल्दा पनि पर्याप्त अक्सिजन चाहिन्छ । तर झ्यालढोका नै बन्द गरेर कोइला वा हिटर बाल्दा अक्सि’जनको कमी हुने भएकाले मानिसको मृ’त्यु हुने गरेको प्रदेश अस्पताल सुर्खेतका फिजिसियन डाक्टर केएन पौडेलले बताए ।

‘बन्द कोठामा कोइला र विद्युतीय उपकरण बाल्दा कार्वन मोनोअक्साइड बढी निस्किन्छ,’ डाक्टर पौडेलले भने,‘बाहिरबाट अक्सिजन नै छिर्न नपाउँदा बन्द कोठामा कार्वन मोनोअक्साइडको मात्र बढी भएर मानिस बे’होस हुने र अक्सिजनकै अभावमा मृत्यु नै हुन्छ ।’ यसकारण पनि जाडो याममा कोठा तताउने नाममा बन्द कोठामा कोइला, हिटर र दाउरा बालेर बस्न र सुत्न नहुने उनको भनाइ छ । खोप लगाएपछि हल्का रुघाखोकी लागेको थियो ।

बिसन्चो महशुस भएपछि ३५ वर्षीया कल्पना बुढाले शुक्रबार साँझ खाना पनि खाइनन् । रात परेपछि उनी आफ्ना दुई छोरा र एक भदैसहित सुत्ने कोठाभित्र पसिन् । जाडो महशुस गरेकी उनले कोठामा तातो होस् भनेर झ्यालढोका नै बन्द गरिन् । अनि तसलामा कोइला बालेर सुतिन् । तर शुक्रबार राती एउटै कोठामा सुतेका चारैजना फेरि ब्यूँझि नै पाएनन् । मृ’तक कल्पनाका श्रीमान् कृष्णबहादुर विसी जाजरकोटको शिवालय गाउँपालिकामा रहेको स्वास्थ्य शाखाका प्रमुख हुन् । उनी शनिबार रातीमात्र सुर्खेत आएका कारण आइतबार शवको पो’ष्टमा’र्टमा गरिएको प्र’हरीले जनाएको छ ।

मृतक कल्पनाका ससुरा वीरबहादुरका अनुसार मृतक निरज कक्षा ४, चिरञ्जीवी कक्षा २ र सोमराज कक्षा १ मा अध्ययन गर्थे । उनीहरु स्थानीय डाइनामिक बोर्डिङ स्कुलमा पढ्थे । ‘बुहारीले बिसन्चो मानेकी थिइन्, तसलामा कोइला लगेर कोठामा बालेका थिए,’ वीरबहादुरले भने,‘बुहारी सधैं बिहान ढिला उठ्ने भएकाले मैले पनि वास्ता गरिनँ, सुतेकै होलान् भनेर बिहानै निस्किएँ । बेलुकी घर आउँदा नातीहरुलाई वरपर नदेखेपछि खोजी गरेँ, तर उनीहरुलाई पापी दैवले लगिसकेको रहेछ ।’ अन्नपूर्ण पोष्टमा यो खबर छ ।

प्रतिकृया दिनुहोस्