बिहिबार , अषोज १३, २०७९

५-१० हजारको लोभमा सुन तस्करको जालोमा फस्दै सोझा नेपाली, यसरी हुन्छ सेटिङ !

पुष २४, २०७८ शनिबार 426

एयरपोर्टको गेटमै सुनका बाला बेकेर यो नेपालसम्म लगिदिनुस भन्न आउनेको दलालहरुले सोझा साजा नेपालीहरु नेपालको एयरपोर्टमा आएर फस्ने गरेका छन् ।

उताबाट काचो सुनको बाला लगाएर आए बापत नेपालि ५ देखि १० हजार दिन्छन् । यदि दुबईमा नै पैसा लिन चाहे २ देखि ५ सय दिराम सम्म दिन्छन् भने नेपाली पैसा लिन चाहनेहरुलाई भने नेपालमा सुन बुझ्ने ब्यक्तिले ५ देखि १० हजार सम्म दिने गर्छन् ।

दुबईबाट सुन लिदा संगै खिचिएको एउटा सेल्फिको आधारमा नै नेपालमा रहेका एजेन्टले सुन लिने र पैसा दिने खेलको प्रमाणको रुपमा लिइन्छ । तर आजभोली त्यसरी ल्याइने सुनको कारण सोझा नेपाली कामदार फस्दै गएका छन

यता त्रिभुवन विमानस्थलको भन्सार कार्यालयले यसरी विदेशबाट आउनेहरुलाई जोकसैको सामान नल्याउन र ल्याउनै परे राम्रोसँग हेरेर मात्र ल्याउन आग्रह गरेको छ । कार्यालयले एक सूचना जारी गर्दै पछिल्लो समय विदेशबाट आउनेहरु सुन तस्करीमा पक्राउ पर्ने गरेको र बयानमा आफूलाई त्यसबारे केही थाहा नभएको जानकारी दिने गरेकाले यस्तो ठगीबाट जोगिन आग्रह गरेको छ ।

त्यसैले विमानस्थलमा कसैले ललाइ फकाइ कुनै सामान लगिदिन भनेमा राम्रोसँग बुझेर मात्र ल्याउन त्रिभुवन विमानस्थलको आग्रह छ । त्रिभुवन विमानस्थल हुँदै स्वदेश आउने यात्रुहरुले प्रचलित कानुनले दिएको सुविधाभन्दा बढी मात्रामा सुन, ल्याप्टप, मोबाइल ल्याउने गरेका छन् । यसरी सामान ल्याउँदा यात्रुहरु कानुनी फन्दामा पर्ने गरेका छन् ।

भन्सार ऐन, २०६४ को दफा ९ को उपदफा ९३० ले दिएको अधिकार प्रयोग गरी गएकाे जेठ १५ गतेदेखि लागु हुने गरी यात्रुले आफूसँगै ल्याउन र लैजान पाउने सामानको तल उल्लेखित परिमाणमा मात्र भन्सार महसुल छुटमा ल्याउन पाउने भन्सार कार्यालयले जनाएको छ ।

१. व्यक्तिगत प्रयोगको सुनको गहना ५० ग्रामसम्म ५० ग्राम भन्दा थप २०० ग्रामसम्मको सुनका गहनालाई भन्सार महसुल लिई जाँचपास गर्न सकिने र त्योभन्दा बढी परिमाणका सुनका गहना ल्याएमा त्यस्तो बढी परिमाण जफत गरिने, व्यक्तिगत प्रयोगका सुनका गहना बाहेक अन्य जुनसुकै स्वरूपको सुन अधिकतम १०० ग्रामसम्मलाई भन्सार महसुल लिई जाँचपास गर्न सकिने र त्याेभन्दा बढी परिमाणको सुन ल्याएमा त्यस्तो बढी परिमाण जफत गरिने ।

२. व्यक्तिगत प्रयोगको ट्याबलेट वा ल्यापटप १ वटा (त्याेभन्दा बढी भएमा भन्सार महसुल लाग्ने ।)
३. व्यक्तिगत प्रयोगको मोबाइल १ वटा (त्याेभन्दा बढी भएमा भन्सार महसुल लाग्ने ।)
४. रक्सी १ लिटरसम्मको बोतल १ (त्याेभन्दा बढी परिमाणको रक्सी जफत गरिने ।)

प्रतिकृया दिनुहोस्