बिहिबार , माघ १३, २०७८

जन्ती वोकेको स्कार्पियो दुर्घटना, ४ जनाको मृत्यु

पुष १३, २०७८ मंगलबार 285

काठमाडौ । बाक्लो हुस्सुकाबीच रौतहटमा जन्ती बोकेको स्कार्पियो दुर्घटना हुँदा ४ जनाको निधन भएको छ । भारतीय नम्बर प्लेटको स्कोर्पियो दुर्घटना हुँदा ४ जनाको घटनास्थलमै मृत्यु भएको प्रहरीले जनाएको छ । घटनामा अन्य ३ जना घाइते भएका छन् ।

गौर-चन्द्रपुर सडक खण्डको सखुअवा र जयनगरको बीचमा गाडी दुर्घटनामा परेको हो । स्कार्पियोमा ८ जना सवार रहेको रौतहट प्रहरी प्रमुख एसपी बिनोद घिमिरेले बताए ।

घाइतेहरुको गरुडास्थित विभिन्न अस्पतालमा उपचार भैरहेको छ । रौतहटको गढिमाई नगरपालिका ३ गमहरियाबाट नरकटियातर्फ जन्ती बोकेर गएको उक्त गाडी अपरान्ह ३ बजेतिर दुर्घटना भएको हो । दुर्घटनामा परेकाहरुको पहिचान खुलेको छैन ।

भारतीय नम्बर प्लेटको गाडीमा सवार उनीहरु कहाँका नागरिक हुन् भन्ने खुल्न नसकेको प्रहरीले जनाएको छ । दुर्घटनाको कारण पनि खुल्न बाँकी रहेको प्रहरीले जनाएको छ ।

प्रतिकृया दिनुहोस्