विशेषज्ञ भन्छन् ‘हृदयाघात भएर अस्पताल पुग्ने युवाको संख्या नेपालमा बढ्दो छ’

समाचार

हृदयाघात भएर अस्पताल पुग्ने युवाको संख्या पछिल्ला वर्षमा बढ्दै गएको मुटुरोग विशेषज्ञ बताउँछन्। सहिद गंगालाल हृदय केन्द्रमा हृदयाघात भएर पुग्ने युवा तुलनात्मक रुपमा २४ वर्षदेखि ४५ वर्ष उमेरसम्मका धेरै रहेको केन्द्रका निर्देशक डा। अधिकारीको अनुभव छ। ‘अस्पतालमा दैनिकजसो युवा हृदयाघात भएर आइरहेका हुन्छन्, कतिपय २४र२५ वर्षका पनि छन्’, उनले भने।

सन् २०१८ मा केन्द्रमा भएको अध्ययनअनुसार हृदयाघात भएर भर्ना भएका मध्ये १२ प्रतिशत ४५ वर्ष उमेरमुनिका युवा थिए। तीमध्ये २ दशमलब २ प्रतिशत ३५ वर्षमुनिका थिए। सन् २०१५ मा हृदयाघात भएका २४ देखि ४५ वर्ष उमेरभित्रका युवाको संख्या १०।९ प्रतिशत थियो।आजको नागरिक दैनिकमा समाचार छ ।

अध्ययनले हृदयाघातबाट पीडितमध्ये ५४ प्रतिशत धूमपानका अम्मली, ३६।६ प्रतिशत उच्च रक्तचापका रोगी, २५।३ प्रतिशत मधुमेहका रोगी, ७।८ प्रतिशत कार्डिसियल र डाइस्लिपिडेमिया भएका थिए। अध्ययनले हृदयाघात भएका मध्येमा ३९ प्रतिशत धूमपान गरिरहेका, ४३।६ प्रतिशत धूमपान नगरेका र १४।८ प्रतिशत पहिला धूमपान गरेर छाडेका देखाएको छ।

Leave a Reply

Your email address will not be published. Required fields are marked *