महामारीको मौका पारेर अन्तर्राष्ट्रिय उडानमा यस्तो भएपछि

समाचार

काठमाडौ । महामारीको मौका पारेर अन्तराष्ट्रिय उडानमा ब्रम्हलुट भएको खबर सार्वजनिक भएपछि सरकारले छानविन थालेको छ । अप्ठेरोमा परेका नागरिकसंग अन्तर्राष्ट्रिय उडानमा तोकिएको भन्दा बढी भाडा लिएको खबर सार्वजनिक भएपछि सरकारले छानबिन गर्न समिति गठन गरेको छ।

संस्कृति, पर्यटन तथा नागरिक उड्डयन मन्त्रालयले नेपाल नागरिक उड्डयन प्राधिकरण (क्यान) का महानिर्देशक राजन पोखरेलको संयोजकत्वमा पाँच सदस्यीय छानविन समिति गठन गरेको हो।

ट्राभल एजेन्सीले तोकिएको भन्दा चर्को भाडा असुल गरेको भन्ने गुनासो मन्त्रालयलाई प्राप्त भएको भन्दै उल्लेखित गुनासोको सन्दर्भमा विस्तृत छानविन गरी सम्बन्धित निकायमा आवश्यक कानूनी कारबाहीको सिफारिस गर्न समिति गठन गरिएको मन्त्रालयका सहसचिव एवम् प्रवक्ता तारानाथ अधिकारीद्धारा जारी विज्ञप्तिमा उल्लेख छ।

कोभिड–१९ सङ्क्रमणलाई नियन्त्रण तथा व्यवस्थापन गर्न नेपाल सरकार (मन्त्रिपरिषद) को मिति २०७८ वैशाख १९ को निर्णय अनुसार सीमित अन्तर्राष्ट्रिय उडान भइरहेको पनि मन्त्रालयले जनाएको छ।

Leave a Reply

Your email address will not be published. Required fields are marked *