रोनाल्डोले कोक हटाए, पोग्बाले कोक छोडेर अर्कै बोतल हटाए, हटाउनुको कारण पनि फरक

Rochak

काठमाडौं। युरो कप फुटबलमा आफ्नो खेलअघिको पत्रकार सम्मेलनमा पोर्चुगलका कप्तान क्रिस्टियानो रोनाल्डोले आफ्नो अगाडि टेबलमा रहेको कोकको बोतल हटाएपछि यसले ठूलो चर्चा पायो । रोनाल्डोले यसरी कोकको बोतल हटाएर मानिसहरुलाई पानी पिउन प्रोत्साहित गरेपछि यसले कोकाकोला कम्पनीको शेयर मूल्यमा पनि भारी गिरावट आयो र कोकाकोलालाई ४ अर्ब डलर घाटा लाग्यो ।

लगत्तै फ्रान्सका स्टार खेलाडी पल पोग्बाले पनि रोनाल्डोले जस्तै कार्य गरेका छन् । आफ्नो खेलअघि पत्रकार सम्मेलनका लागि आएका पोग्बाले आफ्नो अगाडि रहेको बोतल हटाए । पोग्बाले अगाडि रहेको कोकाकोलाको बेतल त रहन दिए तर हाइनेकेन बियरको बोतल भने हटाए । पोग्बाले यसरी बोतल हटाउनुको कारण रोनाल्डोले हटाउनुको भन्दा फरक थियो ।

क्रिस्टियानो रोनाल्डोले अगाडि राखिएको कार्बोनेटेड सफट ड्रिंकको बोतल हटाएर पानी पिउन भनेर स्वस्थ जीजनशैलीको सन्देश दिएका थिए । पोग्बाले भने आफ्नो धार्मिक विश्वासको सम्मान गरेका थिए । पोग्बाले मुस्लिम धर्म मान्छन् र इस्लाममा बियर प्रतिबन्धित छ । अब पोग्बाले यसो गर्दा यसले हाइनेकेनलाई के असर गर्छ भन्ने हेर्न बाँकी नै छ ।

Leave a Reply

Your email address will not be published. Required fields are marked *