पोखरामा सेती नदी थुनिएपछि बन्यो ठूलो ताल, धेरै घर विस्तापित, हेर्नुहोस् ड’रलाग्दो दृश्य(भिडियो)

समाचार


अबिरल बर्षा पछि पोखराको रामघाटमा ताल बनेको छ । सेती नदिमा पानीको बाहाव बढ्पछि रामघाटबाट पानी निकास नहुँदा फेवाताल जस्तै अर्को ताल बनेको हो । ताल बन्दा स्थानीयहरु बिस्तापित भएका छन् । अबिरल पानी परेपछि संभावित घट’नालाई मध्यनजर गर्दै स्थानीयहरु समयमै त्यस ठाउँबाट हटेका थिइ । हजारौं मजदृुरहरुले बलुवा गिटी निकालेर ज्यान पाल्ने रामघाट केही दिन यता ताल बारिएर बसेको छ । ताल हेर्नका लागी वरिपरीका बासिन्दाहरु पुगेका छन् । हेर्नुहोस् भिडियो ।

यो पनि समाचार : काठमाण्डाै – नेपाली सेनाले सिन्धुपाल्चोक र मनाङमा बाढी/पहिराेकाे जोखिममा परेका नागरिकलाई उद्धार गरेको छ । मनाङको सदरमुकाम चामे र सिन्धुपाल्चोक मेलम्ची क्षेत्रमा मङ्गलवारको ठूलाे वर्षापछि आएको बाढी/पहिराेका कारण पूर्वाधारलगायत ठूलो परिमाणमा सम्पत्तिको क्षति भएको छ ।मनाङमा झन्डै तीन सयदेखि चार सय बाढी प्रभावित मानिसलाई नजिक सुरक्षित ठाउँमा पुर्‍याउन र अलपत्र परेकालाई त्यहाँ तैनाथ रणसुर गणले उद्धार र सहयोग गरेको नेपाली सेनाका प्रवक्ता सन्तोषबल्लभ पौडेलले जानकारी दिनुभयो ।

उहाँले भन्नुभयो, ‘सिन्धुपाल्चोकमा बाढी/पहिरोमा परि अलपत्र परेका चार जनाको सेनाको हेलिकप्टरले उद्धार गरेको छ । बाढीबाट अप्ठेरोमा पर्न सक्ने मानिसलाई सुरक्षित ठाउँमा लैजान र पुनर्वासका लागि अस्थायी सेल्टर निर्माणका लागि पनि सङ्गठनले सहयोग गरिरहेको छ ।’ ठूलाे र लगातारको वर्षापछि खसेको पहिराेले मेलम्ची खोला थुनिएर गएको बाढीले खोला किनारको बस्ती, माछा फार्म र मेलम्ची बजार क्षेत्रमा ठूलो क्षति पुर्‍याएकाे छ । त्यस क्षेत्रका कैयाैँ घरगोठ, पशुचौपाया बगाएको तथा माटासहितको बाक्लो लेदोले मेलम्ची बजार क्षेत्रका बस्ती र खेतीयोग्य जमिन पुरेको छ ।प्रभावित क्षेत्रका नागरिकलाई तत्काल खाना र राहत उपलब्ध गराउने तथा पाललगायत अत्यावश्यक सामग्री ढुवानीमा पनि सेना संलग्न छ । नागरिकको सहयोगका लागि सेनाले स्थानीय प्रशासन, अरू सुरक्षा फौज र सरोकार निकायको समन्वय र सहकार्यमा काम गरिरहेको प्रवक्ता पौडेलले जानकारी दिनुभयो ।

सैनिक मुख्यालयले प्राकृतिक विपत्तिको उच्च जोखिममा रहेको नेपालका ७७ वटै जिल्लामा रहेका आफ्ना इकाइलाई सम्बन्धित ठाउँमा रहेको जनशक्तिको एक तिहाइ फौज विपद् व्यवस्थापन र प्रतिकार्यका लागि खटिने सिलसिलामा तैनाथ अवस्थामा रहन निर्देशन दिएको छ । विपद् व्यवस्थापनका सिलसिलामा कसैले पनि केन्द्रको आदेश पर्खनु नपर्ने तथा स्वतः परिचालन हुने गरी पूर्वनिर्देशन भइसकेको प्रवक्ता पौडेलले जानकारी दिनुभयो ।

यस वर्षको मनसुनको आगमनसँगै बाढी/पहिरोलगायत प्राकृतिक प्रकोप र विपद्का घटना आउन सक्ने अनुमान गरी गृह मन्त्रालयसहितका सरोकार निकायसँगको समन्वय र सहकार्यमा जोखिम क्षेत्रको पहिचान गरिएको थियो । त्यसै आधारमा सेनालगायत सुरक्षा फौजले जनशक्ति परिचालनको व्यवस्थापन मिलाइसकेको छ । अघिल्लो वर्ष सेनाले विपद् व्यवस्थापन न्यूनीकरणका लागि प्रतिकार्यका विभिन्न अभ्यास गरेको थियो । विपद् प्रतिकार्यका लागि सञ्चालन गर्ने सन्दर्भमा सेनाका हवाई साधन पनि इटहरी, काठमाण्डाै र सुर्खेतमा पूर्वतयारी अवस्थामा राखिएको जानकारी दिइएको छ । सेनाले उपलब्ध विभिन्न खाले दुई सय डुङ्गाको व्यवस्था गरेको छ । सेनाका चितवन र काठमाण्डाै सुन्दरीजलमा विपद् व्यवस्थापन गण तैनाथ छन् । विभिन्न पृतनामा आवश्यक जनशक्ति त्यहाँबाट तत्काल खटिने व्यवस्था मिलाइएको सेनाले जनाएको छ ।

कोभिड–१९ को प्रकोपको विद्यमान अवस्थालाई दृष्टिगत गरी सेनाले स्वास्थ्यका सबै मापदण्ड पूरा गरेर काम गर्नुपर्ने भएकाले सम्भव भएसम्म पालनामा पनि ध्यान पुर्‍याउने छ । सेनाका जनशक्तिमध्ये ५० हजारले पहिलो र २७ हजारले दोस्रो मात्रका खोप लगाइसकेका छन् । जनशक्ति खटाउँदा भरसक खोप लगाएकालाई प्राथमिकता दिने बताइएको छ ।(उज्यालो अनलाइन बाट साभार)

Leave a Reply

Your email address will not be published. Required fields are marked *