कडा निषेधाज्ञाकाबीच पनि उपत्यकामा घटेनन् संक्रमित, सबैभन्दा बढी काठमाडौमा ! हेर्नुहोस् आज को ;

प्रमुख समाचार

काठमाडौं । निषेधाज्ञा कडा गरिएपनि काठमाडौं उपत्यकामा भने संक्रमितको संख्या घट्न सकेको छैन । परिक्षण घटाइएको भएपनि संक्रमितको संख्यामा उल्लेख्य कमि आएको देखिन्न । पछिल्लो २४ घण्टामा उपत्यकामा मात्र १ हजार १४० संक्रमित थपिएका छन्।

**अन्य थप समाचार हेर्न तल क्लिक गर्नुहोला**

विभिन्न प्रयोगशालाहरुमा पीसीआर विधिबाट गरिएको परीक्षणका क्रममा उपत्यकाका तीन जिल्लामा गरी १ हजार १४० जनामा संक्रमण पुष्टि भएको हो। थपिएकामध्ये सबैभन्दा धेरै काठमाडौंका ९२१ रहेका छन्। यस्तै, भक्तपुरमा ५६ र ललितपुरमा १६३ संक्रमित थपिएको स्वास्थ्य तथा जनसंख्या मन्त्रालयले जनाएको छ।

पछिल्लो २४ घण्टामा थप ३७५० जनामा संक्रमण पुष्टि भएको छ । पीसीआर विधिबाट ९५९८ जनाको परीक्षण गर्दा २७०९ जनामा र एन्टिजेन विधिबाट ५ हजार ५८४ जनाको परीक्षण गर्दा १०४१ जनामा संक्रमण पुष्टि भएको हो । हालसम्म पीसीआर विधिबाट ६ लाख ४ हजार ३९६ जनामा संक्रमण पुष्टि भएको छ एन्टिजेन विधिबाट १८ हजार ७५५ जनामा संक्रमण पुष्टि भएको छ ।

यही अवधिमा थप ५२२५ जना संक्रमणमुक्त भएका छन् । हालसम्म ५ लाख २० हजार ८१६ जना संक्रमणमुक्त भइसकेका छन् । नेपालमा निको हुने दर ८६।२ प्रतिशत रहेको छ ।

पछिल्लो समय नयाँ संक्रमितभन्दा निको हुनेको संख्या बढी हुन थालेपछि सक्रिय संक्रमितको संख्या घट्दै ७५ हजार २७५ पुगेको छ । यसमध्ये ६९ हजार ६८६ जना होम आइसोलेसन, ५ हजार ५८९ जना संस्थागत आइसोलेसन, १ हजार १८९ जना आईसीयूमा र ३६६ जना भेन्टिलेटरमा रहेका छन् ।

पछिल्लो २४ घण्टामा थप ६७ जनाको मृत्यु भएको छ । देशभर ८ हजार ३०५ जनाको मृत्यु भइसकेको छ । नेपालमा मृत्यु हुने दर १।६ प्रतिशत रहेको छ ।

**अन्य थप समाचार हेर्न तल क्लिक गर्नुहोला**

Leave a Reply

Your email address will not be published. Required fields are marked *