गृहमन्त्रीमा नियुक्त हुन लागेको हल्ला चलिरहेका बेला ओली नै झस्कने गरी पूर्व प्रधानसेनापती कट्वालले दिए यस्तो प्रतिक्रिया !

राजनीतिक

प्रधानमन्त्री केपी शर्मा ओलीले मन्त्रिपरिष्द विस्तारका क्रममा गृहमन्त्रीमा नियुक्त गर्ने भन्ने हल्ला चलेका बेला पूर्व प्रधानसेनापती रुक्माङ्गद कट्वालको अभिव्यक्ति सार्वजनिक भएको छ । प्रधानमन्त्री ओलीले मन्त्रीमण्डल पुनर्गठन गरी कटवालालाई गृहमन्त्री बनाउने हल्ला चलेपछि उनले आफू सो पद स्वीकार्न तयार नरहेको बताएका छन् ।

गृहमन्त्री बन्न एमाले महासचिव इश्वर पोखरेल लगायत व्यक्तिहरु चर्चामा रहेका बेला उनको पनि नाम जोडिएपछि सो खबर भाइरल भएको थियो । आफनो नाममा विवाद सुरु भएपछि कट्वालले आफुलाई गृहमन्त्रीका लागि प्रश्ताव नआएको र प्रश्ताव आएपनि स्विकार नगर्ने प्रतिक्रिया दिएका छन्।

कटवालले राजनीतिक खिचातानीमा आफ्नो नामको दुरुपयोग गरिएको गुनासो पनि गरेका छन् । आफुले अवकाशको जीवन इमान्दारीपूर्वक बिताउन चाहेको वताएका उनले जनताको चित्त दुःखाएर पद, पैसा र शक्तिको लोभमा नपर्ने वताए । ‘मलाई थाहा छ मन्त्रीको पदमा बस्न जनताको मत र समर्थन दुवै चाहिन्छ । जनताले चुनेर पठाएको व्यक्तिले नै जनताको सेवा गर्नु पर्छ’ उनले भनेका छन्–‘यसरी झ्यालवाट छिरेर मन्त्री बन्ने प्रक्रियाको म विरोध गर्छु ।’

आफूले इमान्दारीताका साथ जीवन बिताउन चाहेको र राजनीतिमा नआउने उनको भनाई छ ।

Leave a Reply

Your email address will not be published. Required fields are marked *